Robinson Crusoe (suterot)

Ton antaf giwanik ke bopelawera, birelik moe letafa ewala va erod ke englafa blira dikion tolredur. Va Teveaviel govitik, va ayiktorik inon giwayan kev yon milgovitik is vanpiyis inaf kwik, tugriilkar. Arti 28 tanda, Robinson va ewala bulur kan tota ke dana ta rujara va tcumivera va redakik al pomar. Aze va intafa tufa dimtrasir. Kiewatca ke bat stuvaberpot, belcon drom va kuranira is kobara is kristevafa ceakuca, va jontika milaskira al nazbar.